طريقة لعمل اللانشون بطعم الفراخ من غير فراخ

السلام عليكم ورحمة الله وبركاته
اولا الموضوع منقول

انا طبعا جربت الانشون وطلع جميل والله العظيم لانشون بيتي لالحمة ولافراخ
طريقة سهلة ولذيذة ومن غير تكلفه

وتنفعك في عمل الساندويتشات لاولادك في المدرسة وفي نفس الوقت تبقي مطمنة عليهم من اللانشون بتاع المحلات والاشاعات اللي حواليه وعلي فكرة جربته وطلع جمييل جدااا ونفس الطعم للجاهز بالضبط

المقادير

3مثلثات جبنة(كيري او بريزيدون او لافاشكيري او اي نوع

2 مكعب مرقة دجاج(ممكن يبقو 3 لو عايزاها مالحة اوي

فصين ثوم
3حبهان
3بيضات
3 ملاعق ك دقيق
معلقة صغيرة نشا
نص كوبايه زيت
ولون طبيعي احمر(من عند العطار) بمقدار حباية فلفل اسود او مثل راس الدبوس فقط

الطريقه
1)تضعي كل المكونات في الخلاط
بس خدي بالك تفركي مرقه الدجاج بايدك الاول

وكمان خدي بالك ان اللون الطبيعي يبقي بمقدار راس الدبوس بس عشان مايبقاش غامق اووي ويبقي لونه فاتح زي الجاهز بالضبط


2)تضعي المقدار في كوبين ستانلس مدهونين بالزيت والدقيق (المقدار هايعمل كوب ونص
وخدي بالك ان الخليط بيرتفع يعني تتركي مسافة قليله في الكوب


وان لم يكن لديك كوب ستانلس يبقي في اي كوب يتحمل الحراره وتضعي الاكواب في حله بها ماء (حمام ماء) لكن تغطي الحلة
وتترك تغلي لمده ساعة الاربع

3)اقلبي الكوب في طبق وممكن تدوري بالسكينة حول اللانشون عشان يسهل نزوله

واخيرا قطعيه شرائح وتمتعي انت واسرتك بطعم اللانشون الطبيعي اللذيذ والامن
وسلامي

وعايزة ارائكم

لاتنسونا بالدعوات