الرئيسية
أحدث الصور
rehamXchica diferente الإثنين يناير 03, 2011 1:53 pmقلمى الرصاص طلعله سن
هيكتب احلى كلام وفن
ولو قصفوه رموه فى سجن
وعاش فى ضلمه وحيد يأن
ابدا مايخشى عبد زيه
بكره يطلع وشوفو ضيه
قلم جواه احلام كتير
هيجى يكتب ع الفقير
ولا عمره يمدح ف الوزير
قلم بصوت الحق خط
نور بصيرة الضرير
قلم هيكون لبلدنا شط
هيصحى ف قلوبنا الضمير
هيقول يانس ف بلدنا خير
حقى وحقك ليه نسيبه
واجب علينا نروح نجيبه
ومهما صعب طريقنا يوم
متسيبش نفسك للهموم
ملوك كلام افكار سموم
خلوك تنام حزين مظلوم
تاكل وشرب بالديون
لا عيال بتكبر لاقيه علم
والفقر مسابش حتى الدم
قلمى الرصاص هيكتب يقول
وحتى لو كان اخر العقول
قلمى هيصرخ فى العباد
ولا يوم هيسكت ع الفساد
ونيران الظلم ف اديه رماد
ومصباح ايمان لمن اراد
قلمى الرصاص له الف سن
هتحس كأن لابسه جن
قلمى الرصاص طلعله سن
:::::::
بقلم:
سيد شعبان
