إزاي تغسلي براقع الستاير من غير ماتحتاري

السلام عليكم ورحمه الله
رمضان كريم علينا وعليكوا
شوفوا بقى انا فى بيت امى واجهتنى مشكله غسيل البراقع عندها رغم ان اكبر بلتكانه عند ماما كانت 2متر ونص كنت بشيل البلتكانه كلها واحطها بالحمام واغسلها واهيه كانت بتقضى وبهلك تماما
لما جيت اتجوز لقيت ان الحل دا من المستحيل اعمله لان مقاسات البلتكانات عندى بتوصل الى 11متر طب هشيل الستاره ازاى
قلت اعمل زى كل الستات واستنى الراجل يجى يلهف منى اقل حاجه 500جنيه ويشيل و يركب مش حل يبقى هدفع كل سنه فلوس للستاير كانى مأجراهم طبعا مش حل رحت مشغله الفوكيره ولقيت الحل الى ريحنى وحبيت اقولكم عليه
الكوتشىىىى
اه عارفين الكوتشى بتاع الشوز دا
شريط لزق الكوتشى
اه هو الى بناحيتين دا خشن وناعم
جبت بكره كبيرة ب25جنيه
لزقت فى البلتكانه الناحيه الخشنه بمدس الشمع وفى البراقع الناحيه الناعمه دى الى عملها لى الترزى بتاع خياطه الستاير
جمع لى البرقع كله فى بعضه وخيطه وخيط الناحيه الناعمه بتاعت الكوتشى فيه وانا الى ركبتهم من غير الترزى
اخدت البرقع وابتديت الزقه فى الكوتشى بدل المسامير والدبابيس وكل الكلام دا
ولما بتتوسخ اشد .......................
وعلى البانيو انقع الستاير واغسلهم واشطفهم وانشرهم
وبقيت اسهل حاجه عندى غسل البراقع ومش مشكله ابدا
ومن ساعتها الترزى بقى بيعمل البراقع كدا هههههههههههه
وكل قرايبى الى اتجوزوا بعدى بقيم بيعملوها كدا برضوا
والله لهم 7سنين بشيل وبحط وبركب زى الفل مش محتاجه لا ادفع ولا عامل يدينى معاد ولا يجيش ولما يجى يلهف منى اد كدا
منقول.......... :