حكمه منقطعة النظير!!

هو انا المفروض اعمل ايه لما الاقي الباب بتاع المدرسه مقفول في وشي و المفروض استنى برا لححد ما اللي جوا يتكرموا و يفتحوا غير اني اروح البيت؟؟ حق العقاب على التأخير مكفول، بس قفل باب المدرسه ده كارثه في حد ذاته، يعني اي ولي امر يبعت ابنه او بنته المدرسه على اساس انه هيبقى فيها و الابن/ه يلاقي الباب مقفول و ممكن يروح او ميروحش او يروح في اي حته تانيه؟؟؟ هو ده اللي بتسموه انضباط؟؟
على فكره عقاب التأخير في اي مدرسه محترمه بيختلف من التذنيب لاجبار التلميذ على انه يلف الملعب عدد معين من اللفات بتحدده المدرسه او المساعده في تنظيف المدرسه بعد الدوام او الحرمان من البريك و في عقوبات كتير تضايق اكتر من ان الباب يتقفل في وجه الطالب و هو يروح بيته.
الباب مقفول؟؟ يا فرحتي بجد!!
و في قفل الباب و ابقاء التلاميذ برا تعريض حياتهم للخطر، مين هيتحمل مسؤولية طالب اتأخر غصب عنه و لقى الباب مقفول و جراله حاجه؟؟ و يا ترى ايه فايده تحمل المسؤولية في الوضع ده؟؟ هل ده هيعوض اهله؟؟ او هيعوضه هو شخصيا؟؟

شروق على
1sB