بحبك يا مصر - فريق قياس الجودة - إدارة حدائق القبة التعليمية

ًسعداء بزيارتكم ويسرنا نقدكم ومقترحاتكم...

انضم إلى المنتدى ، فالأمر سريع وسهل

بحبك يا مصر - فريق قياس الجودة - إدارة حدائق القبة التعليمية

ًسعداء بزيارتكم ويسرنا نقدكم ومقترحاتكم...

بحبك يا مصر - فريق قياس الجودة - إدارة حدائق القبة التعليمية

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات فريق قياس الجودة - إدارة حدائق القبة التعليمية Q. M. Team H. K. A. Fora


    احمد فؤاد نجم

    avatar
    لاشين


    عدد المساهمات : 29
    تاريخ التسجيل : 28/02/2009
    العمر : 30
    الموقع : www.nightclub19.yoo7.com

    احمد فؤاد نجم Empty احمد فؤاد نجم

    مُساهمة  لاشين الجمعة أغسطس 14, 2009 3:34 pm

    صرخــة جيــفارا

    جيفارا مات 
    جيفارا مات 
    اخر خبر فى الراديوهات 
    وفى الكنايس 
    والجوامع 
    وفى الحواري 
    والشوارع 
    وع القهاوي وع البارات 
    جيفارا مات 
    واتمد حبل الدردشه 
    والتعليقات 
    مات المناضل المثال 
    ياميت خسارة على الرجال 
    مات الجدع فوق مدفعة جوه الغابات 
    جسد نضالة بمصرعه 
    ومن سكات 
    لا طبالين يفرقعوا 
    ولا اعلانات 
    ما رايكم دام عزكم 
    ياانتيكات 
    يا غرقانين فى المأكولات 
    والملبوسات 
    يا دافيانين 
    ومولعين الدفايات 
    يا محفلطين يا ملمعين 
    ياجيمسنات 
    يا بتوع نضال اخر زمن 
    فى العوامات 
    ما رايكم دام عزكم 
    جيفارا مات 
    لاطنطنة 
    ولا شنشنه 
    ولا اعلامات واستعلامات 
    عينى عليه ساعه القضا 
    من غير رفاقه تودعه 
    يطلع انينه للفضا 
    يزعق 
    ولا مين يسمعه 
    ممكن صرخ من الالم 
    من لسعه النار ف الحشا 
    يمكن ضحك 
    او ابتسم 
    او ارتعش 
    او انتشى 
    يمكن لفظ اخر نفس 
    كلمه وادع 
    لجل الجياع
    يمكن وصيه 
    للى حاضنين القضيه 
    فى الصراع 
    صور كتير 
    ملو الخيال 
    والف مليون احتمال 
    لكن اكيد 
    اكيد اكيد 
    ولاجدال 
    جيفارا مات 
    موتة رجال 
    ياشغالين ومحرومين 
    يا مسلسلين رجلين وراس 
    خلاص خلاص 
    مالكوش خلاص 
    غير بالبنادق والرصاص 
    دا منطق العصر السعيد 
    عصر الزنوج والامريكان 
    الكلمه للنار والحديد 
    والعدل اخرس او جبان 
    صرخه جيفار يا عبيد 
    في اى موطن او مكان 
    مافيش بديل 
    مافيش مناص 
    يا تجهزوا جيش الخلاص 
    يا تقولوا على العالم خلاص 

    ************

    *********

    *****

      الوقت/التاريخ الآن هو الخميس مارس 28, 2024 5:18 pm